schoolfiles.net

Чыгарылыш кичэсенэ сценарий — Татарча котлаулар сайты

Чыгарылыш кичәсе
(музыка “Мәктәп еллары” яңгырый)

А.Б. Хәерле көн, хөрмәтле кунаклар: ата-аналар, укытучы иптәшләр һәм укучылар! Бүген без иң тантаналы, истәлекле, шатлыклы, шул ук вакытта бераз ямансу да булган кичәгә җыелдык. Бүген чыгарылыш сыйныф укучыларының мәктәп белән саубуллашу кичәсе. Әле кайчан гына белем бәйрәменә беренче тапкыр мәктәп бусагасын атлап кереп кечкенә генә малайлар һәм кызлар укырга килгәннәр иде.Ә хәзер аларга 11 нче классны тәмамлау турында таныклык алырга вакыт җиткән. Рөхсәт итегез 11 класс укучыларын һәм аларның класс җитәкчеләре … тантанага чакырырга.

(Музыка астында“Мәктәп еллары” укучылар залга үтәләр)
А.Б.
Канат ярган нәни кошлар сыман
Талпынасыз очып китәргә,
Яшьтән күңел хисен җилкендергән
Хыялларны чынлык итәргә.
Аерыласыз сөйгән мәктәп белән
Гомерегезнең алсу таңында.
Хәерле юл теләп озатабыз
Саф чәчәктәй тормыш язына.

Чыгарылыш класс укучыларына багышланган тантананы ачык дип игълан итәм. Хәзер Россия Федерациясе гимнын аягүрә басып каршы алыйк.
(Гимн)

Чыгарылыш кичэсенэ котлау

А.Б. Хәзер тантананың беренче өлешендә мәктәпне тәмамлап кулга документ алу турындагы приказ белән таныштырыр өчен сүзне мәктәпнең уку-укыту буенча директор урынбасары … бирәбез.

А.Б. Рәхмәт. Кадерле чыгарылыш класс укучылары! Мәктәп сезгә ныклы белем бирде, канат куеп сезне үстерде. Ә бүген олы юлга хәер-фатихасын бирә. Аяз күкле, якты кояшлы, гамьсез-уйсыз балачак артта калды. (Укучылар тормышыннан видеосюжет күрсәтелә.). Алда олы тормыш, сайлап алу өчен күп юллар.

Олы юлга фатиха бирү өчен сүзне мәктәп директоры…. бирәбез.(Мәктәп директоры аттестатлар тапшыра.Туш уйнап тора.).

А.Б. Бу изге йорт, туган нигез кебек,
Очраштырыр безне тагын да.
Әйләнәдә — гөлләр.
Тормыш якты,
Бәйрәм хисе бүген күңелдә!
Өлгергәнлек аттестаты алдык диеп,
Горурлана һәркем бу көндә.

А.Б. Бүген бәйрәм. Моңсу да, шул ук вакытта шатлыклы да көн бу. Моңсу дибез,чөнки алар бүген мәктәп белән, балачак белән саубуллашалар. Шатлыклы да,чөнки алда үзенчәлекле яңа тормыш, югары уку йортлары, хезмәт юллары башлана. Мәктәп — белем учагы. Балаларның тирән белемле булуында укыту- тәрбия эшләре буенча урынбасары … да өлеше зур. Ул балаларның экзаменнары турында кайгырта, һәр начар билге өчен борчыла, әйбәте өчен ихластан сөенә.Әйдәгез, котлау өчен сүзне аңа бирик! Рәхим итегез, …!

А.Б. Әлифне таяк дип белми,
Мәктәпкә килдегез.
Беренчедән дүрткә чаклы,
Күпне белдегез.
Истә әле каләм тоткан кулың,
Бармый иде дәфтәр юлыннан.
Өйрәттеләр алар сезне язарга,
Тотып нәни кулларыгыздан.

Билгеле булганча, безнең кадерле чыгарылыш укучыларын 1нче булып … һәм … җитәкләде.
Котлау өчен сүзне аңа бирәбез.

А.Б. Рәхмәт. Кадерле укучылар! Сез хәзер юл чатында басып торасыз. Юллар күп, башта мең сорау: кем булырга, кая барырга , нинди юл сайларга. Нинди генә юл сайласагыз да,чын кешеләр булыгыз, үзегезне сынатмагыз. Мөстәкыйль тормыш диңгезен кичүе җиңел түгел. Ләкин тырышлык, үҗәтлек, үзмаксатчанлык тормышыгызда юлдаш булса, бар да әйбәт булыр. Бәлки берничә елдан бүгенге укучылардан танылган, дәрәҗәле кешеләр, белгечләр чыгар. Әйдәгез әле, ата- аналар, бергәләп кабат аларны алкышлап алыйк.
(Алкышлар)
Ә хәзер котлау өчен сүзне класс җитәкчесенә бирәбез.
…., рәхим итегез!

( Класс җитәкчесе сөйли)
А.Б. Рәхмәт.
Әткәй – әнкәй –сезгә пар канатлар,
Алар булганда дөнья түгәрәк.
Иңне- иңгә, җанны җанга куеп.
Яшәгез әле, яшәгез бергәләп

Хөрмәтле ата-аналар!
Һәрдаим балаларыгыз сезнең җылылыкны тоеп яшиләр. Армый-талмый тәрбияләвегез, бәла-казалардан саклап үстерүегез, тырышлыкларыгыз өчен бүген сезнең алдыгызда баш ияләр алар. Балаларыгызны тормыш дулкыннары кая гына илтсә дә, алар сезнең һәрвакыт күңел түрендә булырлар. Йөзегезгә кызыллык китермәсләр, дип ышандыралар алар!
Әти-әниләр исеменнән сүзне …. ала.

А.Б. Рәхмәт. Тагын да сөйләүчеләр юкмы?.
Сезнең алда олы сынау тора,
Сез торасыз юллар чатында,
Сезнең алда төрле юллар ята,
Төрле якка юллар чакыра.
Кайсы гына юлны сайласаң да ,
Туры юлдан чыкма,туры бар!
Мәктәбеңдә калган остазларың
Адымыңны күзләп торырлар.

Кадерле балалар! Сезгә мәктәпне тәмамлавы да авырга туры килде,алга табада тормыш җиңелләрдән булмас. Шулай булса да мәңгелек әхлак нормалары бүген дә үз дәрәҗәсен югалтмаган. Бүген дә намус, вөҗдан, дуслык, тугрылык төшенчәләре үз көчендә. Мин һәм барлык укытучылар коллективы сезнең шуларга таянып яшәвегезне телибез. Бер- берегезгә авыр чакта иңегезне куегыз, шатлыкларны бергә бүлегез. Зур кайгы да күп кешегә бүлсәң кечерәеп кала. Кечкенә генә шатлык та күп кешегә тапкырлагач зур шатлыкка әйләнә. Тормышның кадерен белегез! Хәзер сезгә сүз бирелә.

1 укучы :
Саубуллашыр көн дә җитте инде
Синең белән, сөйгән мәктәбем
Хәтеремдә әле тәүге тапкыр
Әлифбадан хәреф ятлавым.

Әле кайчан гына без 1 класска укырга килгән идек. Әйе, ул вакытта барысы да беренче иде – беренче укытучы, беренче кыңгырау, беренче дәрес, беренче укыган сүзләр, беренче шатлыклар, беренче борчулар… Белем үрләрен яулый – яулый 11 – ел сизелми дә үтеп тә китте. !Барысы өчен Сезгә зур рәхмәтебезне җиткерәбез.

2 укучы Исемдә алтын сукмакка
Тәүге аяк баскан көнем,
Тәүге башлап мәктәп ишеген
Үрелеп ачкан көнем.
11 ел гомер үтеп китте төштә кебек,
Бу кичәмдә басып торам соңгы кабат.
Моңсу гына мәктәп белән саубуллашам,
Зур тормышның күзләренә туры карап.

3 укучы: Парталар артында калдылар
Калдылар балачак еллары
Аттестат кулларда-
Иртәгә чыгарга
Безгә зур, җаваплы юлларга.

4 укучы : Хушлаша бүген күңелләр,
Бер сүзне кабатлый телләр.
— Йөз рәхмәт, мең рәхмәт,
И туган мәктәп!

5 укучы : Кайда барсам, чишмә башы кебек
Күңел сиңа барып тоташа
Әй, мәктәбем, рәхмәт сүзләремне
Юллыйм сиңа шушы җыр аша.
Җыр мәктәп турында

6 укучы :
Хөрмәтле …!
Чын рәхмәт сүзләребезне
Сезгә дип житкерәбез.
Бүгенге бу тантанада
Сезгә без сүз бирәбез:
Ышаныгыз, мәктәп исеменә
Бер тап төшмәс, менә күрерсез.
Ялгыш адым ясый калсак,
Кинәш сорап Сезгә килербез.

7 укучы: Хөрмәтле класс җитәкчебез ….! Без Сезне һәрчак яратып искә алырбыз. Сез безгә кадерле әниебездәй якын булдыгыз һәм без Сезнең янда үзебезне өебездә кебек хис иттек. Барысы өчен дә зур рәхмәт! Сезнең алдыгызда хөрмәт белән баш иябез. Сез күңелләребездә һәрчак шулай ягымлы, безнең өчен якын кеше булып калырсыз.

8 укучы : Хөрмәтле укытучы апалар, абыйлар!
Еллар үтте.
Аерылу җитте…
Без китәбез төрле якларга
Сезнең киңәш һәрчак маяк булыр
Алга таба безгә атларга.
Сез үз үрнәкләрегездә төгәллеккә, тәртипкә, яңалыкка өйрәтәсез. Рәхмәт сезгә барсы өчен дә, хөрмәтле укытучылар!

9 укучы: Акыллы сүз, алтын киңәш белән
Авыр чакта ярдәм итәсез.
Адашканда, ак юл күрсәтүче
Күңел күзе – ул сез икәнсез.
Җыр “ ”

10 укучы: Мәктәп белән саубуллашыр вакыт җиткән,
Соңгы кыңгырау чыңлый, зарыгып көткән.
Бала чакта зур үсәсе бик килсә дә,
Балалык белән хушлашу читен икән.

11 укучы : Яңгырады кыңгыраулар соңгы-
Мәктәбемнең моңлы яшьлек чыңы.
Артта хәзер, артта инде бары…
Мәктәп еллары арттан елап калды.

12 укучы Соңгы кичә, соңгы вальс!
Дулкынланабыз.
Сау бул инде, сау бул, мәктәп –
Рухи анабыз.

13 укучы : Онытмамын, укытучым,
“ Бәхетле бул”,-дип әйткәнең.
Яшь аралаш кабатлыймын:

Бергә: “ Хуш, мәктәбем, хуш мәктәбем!”.

А.Б.Ә
хәзер11 класс укучыларын “Соңгы мәктәп вальсы”на чакырабыз.
(Вальс)

А.Б.
Бүгеннән соң сез бу вакыйларга берәм-берәм кабат – кабат әйләнеп кайтсагыз да, башка болай бервакытта да 11гез да җыелышып утырып искә төшерә алмаячаксыз.

Тормышның үз законнары да бар. Бу кичә тәмамланганнан соң сез шуның иң беренчесе – иң ачысы белән очрашачаксыз. Ул – аерылышу. Дусларыңнан, туган мәктәбеңнән аерылу. Бүген сез тагын бер нәрсәне тоячаксыз. Сез бүген олыгайдыгыз. Әйе, әйе нәкъ бер баскычка. Бу залдан чыкканда сезнең белән бала чагыгыз чыкмаячак, ул сездән аерылып шушы залда калачак. Сез бүгенгә кадәр әти-әниләрегезгә дә, безгә дә бала идегез әле. Ә хәзер һәркем мөстәкыйль кеше. Үзе өчен үзе җавап бирә.

Инде сезгә ак юллар теләп шушы шигырь юлларын укып китәсе килә.
Үсеп житкәч, инде кеше булгач,
Әти-әниләрне ташлап китмәгез.
Ташлап китеп, картлык коннәрендә
Сез аларны ятим итмәгез.
Сез китергән кара кайгылардан
Алар берүк яшьләр түкмәсен.
Әти-әни түккән күз яшьләре
Каргыш булып сезгә төшмәсен.

Чыгарылыш кичэсенэ котлау

Хәзер барлык ата-аналар, әйдәгез, басып, балаларга багышлап “Балаларга фатыйха” җырын башкарыйк.
(Ата-аналар җырлыйлар)

А.Б.Рәхмәт. Шуның белән кичәбезнең беренче өлеше тәмам. Соңгы чыгарылыш кичәсе котлы булсын! Киләчәктә тормыш юлыгызда тел ачкычы, тапкырлык, зиһенлелек, тәүфыйк юлдаш булып, туплаган гыйлемнәрегезнең файдасын күреп, иминлектә яшәргә язсын, кадерле выпускниклар!
Бүген бездә яшьлек үзе кунак –
Бу кичәбез шуңа кадерле.
Бәхилләшмик, бары саубуллашыйк,
Янә күрешүгә кадәрле.

Хәзер фотографияләргә төшәбез һәм 20 мин.тан ата-аналар барыбыз да столоваяда, ә инде балалар класста җыелабыз.

Әле кайчан гына кечкенә ул һәм кызларыбызны җитәкләп Үдик мәктәбе бусагасын атлап кергән идек. Якты елмаеп каршы алган беренче укытучы да бүгенгедәй күз алдында. Хөрмәтле укытучылар, Сез сабырлык белән белем һәм тәрбия бирдегез, алар белән бергә шатландыгыз, авыр чакта таяныч булдыгыз. Ә бүген инде кичәге шаян малайлар һәм көйсез кызлар серле дә, сикәлтәле дә тормыш юлына әзер егет һәм кызлар булып үсеп җиттеләр. Укытучыларга йокысыз төннәре, тынгысыз көннәре өчен берни белән дә тиңләп булмаслык зур хезмәтләре өчен рәхмәт белдерәм. Иминлек һәм белемгә омтылышлы, үз алларына изге максат куя белә торган укучылар телим. Ә балаларга теләкләремне шигырем белән белдерәм.
Очар кошлар күккә күтәрелә
Тиңлим сезне очар кошларга.
Мин фатиха бирәм сезгә бүген
Өмет белән карыйм юлларга.

Тормыш булгач булыр кайгы да,
Җилләре дә каршы исәрләр.
Ходай сезгә ныклык һәм сабырлык
Бирсен иде гомер кичәргә.

Акыл камил, ә рух көчле булсын,
Хәләл көч белән сез яшәгез.
Гомер бит ул тик бер генә килә
Җирдә яшеннәрдәй яшьнәгез.

Канатларың гына сынмасын да,
Өметләрне безнең кисмәгез.
Төн пәрдәсен күзгә элгәндә дә
Һәр вакытта безнең истә сез.

Сез кайтыгыз назлы җилләр булып,
Бер сөенеч булып кайтыгыз.
Баш очында Кояш, Йолдыз булсын,
Булсын һәрчак тулган аегыз.

Җирне ямьләр өчен кирәк бит сез,
Озын булсын барыр юлыгыз.
Утка салыр дөнья, суларга да,
Тик бәхетле генә булыгыз!
Тик бәхетле генә булыгыз!

Кабатланмас мәктәп елларыгыз –
Алар инде артта калалар.
Очар кошлар кебек оягыздан
Сез дә китәсез бит, балалар.

Мәктәп сукмаклары артта кала,
Көтә яңа юллар, калалар.
Алда сезне олы сәфәр көтә,
Юлыгыз уң булсын, балалар.
Сикәлтәле тормыш сукмакларын
Җиңел үтә сабыр, чыдамнар.

Төрле чаклар булыр, бирешмәгез
Язмыш җилләренә, балалар.
Тормыш – сынау, гомер иткән чакта
Сыната күрмәгез, балалар.

Сез төзисе тормыш матур булсын,
Бәхетле булыгыз, балалар!
Саклый күрсен изге фәрештәләр
Хәфев – хәтәр, бәла – казадан,
Начар иптәш, яман гадәтләрдән
Саклана күрегез, балалар.

Бәхетегез дә, язмыш юлыгыз да
Үзегездән тора, балалар.
Зур өметләр баглап озатабыз,
Аклагыз сез аны, балалар!

Чыгарылыш кичэсенэ котлау

xn--80aa2aebpsll.xn--p1ai

Методическая разработка на тему: Укытучылар көненә багышланган бәйрәм.

  Государственное бюджетное специальное (коррекционное)      общеобразовательное учреждение для обучающихся, воспитанников с ограниченными возможностями здоровья «Ново-Кинерская специальная (коррекционная) общеобразовательная школа-интернат VІІІ вида»

Укытучылар көненә багышланган бәйрәм

Григорьева Г.Н.

      А.Б. Кадерле укытучылар, тәрбиячеләр, интернатыбызда эшләүче барлык хезмәткәрләр! Сезнең барыгызныда укытучылар көне белән ихлас күңелдәнкотлыйбыз. Авыр әммә җаваплы һәм мактаулы  эшегездә зур уңышлар, корычтай нык сәламәтлек, кояштай озын гомер, иксез – чиксез сабырлык, гаилә бәхете телибез. һәр таңны сау – сәламәт каршылагыз, һәр яңа көн сезгә сөенеч, шатлык, бәхетләр генә алып килсен, замана авырлыклары, күңел төшенкелеге сезне читләтеп үтсен. Бүгенге әзерләнгән чыгышыбыз сезгә бәйрәм бүләге булсын.

               Чын йөрәктән котлавыбыз
              Җыр булып сезгә барсын.
               Бүгенге бәйрәм гомергә
               Истәлек булып калсын.

4гр  балалары башкаруында “Әлифба” җыры.

А.Б. Сезгә насыйп булган бәхет, шатлык,                                                                    

         Якты көннәр мәңге үтмәсен.                                                                

         Сәламәтлек – ярты бәхет диләр,                                                    

          Шунысы бигрәк читләп үтмәсен.                                                        

          Бәхет чишмәләрегез мулдан  аксын,                                                                            

          Зур шатлыклар белән таң атсын.

                 Алинә, Вәли, Камиля башкаруында шигыръ

Алинә. Нигә бүген алтын нурлар

             Урманнарга йөгерә?

             Нигә безне көзге кояш

             Җәйдәгечә кыздыра?

Вәли . Ай нинди көн, нинди көн бу?

             Кыздыра кояш көзне.

            Шул кояштай якты сыман

            Укытучылар көне.

   Камиля.  Беренче сентябрь көнне

                Бездә булдык нәни укучы

                 Якты йөзе, матур сүзе белән

                 Каршы алды безне укытучы

      А.Б.  Бу биюне бүләк итик,                                                

                Кадерле кунакларга.                                                          

                Без аларны тиңлибез,                                                  

                Иң яраткан гөлләргә.

      3гр кызлары башкаруынада “Матрёшки” биюе.

А.Б.  Ә хәзер Фаина, Максим,Владик, Максим үзләренең матур шигырьләре белән башлангыч укытучыларын котлап китәрләр.

Фаина.    Дөнья балкый, йолдызларда

                 Сүнмәгәннәр бу көнне,

                 Ай да үзен бу бәйрәмнән

                  Калдырмаска үтенде.

Максим.  Табигатьтән сезгә илһам иңгән

                  Сез – сабырлык, гыйлем үрнәге.

                  Мәктәп дигән илне якын итеп,

                  Яуладыгыз текә үрләрне.

Владик. Һәр йөрәккә кереп урнашасыз,

                 Исемегез һәркем телендә.

                 Беркайчанда болыт капламасын,

                 Кояш көлсен тормыш күгендә.

Максим. Гади генә, җайлы гына итеп

                 Күңелләргә үтеп керәсез,

                 Балаларга терәк, таяныч Сез,

                 Аналардай сөя беләсез.

А.Б.  Хөрмәтле тәрбиячеләр!

           Без телибез сезгә олы бәхет,

           Озын гомер, бетмәс шатлыклар.

           Барыр юлларыгыз озын булсын,

           Ашыкмасын килер картлыклар.

           Йөрәкләрдән чыккан назлы сүзләр

           Күңелләрдә булган саф хисләр,

           Озын гомер, якты тыныч тормыш –

          Безнең сезгә әйтер теләкләр.

       6гр балалары башкаруында тәрбиячеләргә багышланган җыр “Воспитатели”

А.Б. Ә хәзер Нүрия Равилевнага,  Динар Ринатовичка һәм Гөлнур Габтелнуровнага, Алсу Рәшитовнага  Раил, Ләйсән, Радил, Ильяс шигырь укып үтәрләр.

Раил. Укытучым гүзәл бәйрәмеңдә,

          Телим шигырь бүләк итәргә.

          Күңелемдәге олы рәхмәтемне,

          Изге теләгемне әйтергә

Ләйсән. Укытучым сердәш, ярдәмче Сез,

               Һәр вакытта гүзәл түземдә.

               Иң һөрмәтле матур кеше булып,

               Каласыз Сез күңел түрендә.

Радил. Укытучы, Өмет һәм мәхәббәт

             Саласыз Сез безнең йөрәккә.

             Һәр сүзегез, акыл киңәшегез

             Зур ышаныч безгә терәккә

Ильяс. Укытучы тиңсез горур исем,

              Әни сүзе кебек ягымлы.

              Ирексездән бу сүз хәтерләтә,

              Әни янымдагы чагымны.

     А.Б.  Бие әле, бие әле,

          Биегәненңе күрсеннәр.

          Кара иниди матур баса,

          Безнең  Дима дисеннәр.

         Дима башкаруында бию “Попури”

    А.Б. Укытучы!
            Кирәк чакта җитез дә син, тапкыр да син,
            Кирәк чакта батыр да син, сабыр да син,
            Бик җаваплы, авыр синең хезмәтең дә,
            Тиешенчә күрсәң иде хөрмәтен дә…

2гр балалары  башкаруында шигырьләр.

    Илшат.  Бөтен гомерен балаларга биреп,

               Таңнан төнгә янып-көюче,

               Күктә янган якты кояш сыман

               Тирә-юньне нурга күмүче – укытучым!

Рәмзил. Һәрбер сүзе, җылы күз карашы,

               Сабый күңеленең түренә үтүче,

               Авырлыклар килсә, уртаклашып,

               Сиздермичә ярдәм итүче – укытучым!

Марсель. Кирәк чакта бераз кырыс булып,

                  Тыныч кына җавап бирүче,

                  Белем дөнҗясының баскычларын

                  Синең белән бергә үтүче  — укытучым!

А.Б. 5гр балалары  башкаруында дәрестән бер күренеш .

А.Б. Үзем кечкенә булсамда,

         Җырларга бик яратам.

         Матур җырларым җелән,

         Бөтен лөньяны яңгыратам.

             Никита башкаруында җыр “Учат в школе”

А.Б. Ихлас күңелдән юллыйбыз
       Иң-иң изге теләкләр:
       Озын булсын гомерләр
       Тыныч булсын күңелләр.

Хәзер балалар укытучыларга котлау шигырьләрен бүләк итәләр.

    Рәзилә.    Ленар Хәмбәлевичны усал абый диләр,

                 Бер дә усал түгел ул.

                 Географияне белсәң, җиңел булыр сезнең юл,

                 Ленар Хәмбәлевич!

                 Без телибез Сезгә бәхет алгы тормыш таңында,

                 География дәресен балалар яратсыннар тагында.

Илсинә.  Мөслимә Рөстшмовна!

Илнур.  Һәр дәрестә Илгиз абый круг буенча йөгертә,

               Спортны ул, яратырга өйрәтә.

               Сикерәбез, тартылабыз һәм волейбол уйныйбыз,

              Абый кебек бик тә җитез, булырга без уйлыйбыз.

Роберт.   Фәрит абый!

                Сездән өйрәнәбез туган телне,

                Туган җиребезне сөяргә.

                 Безгә әйткән изге теләкләрнең

                Кирәклеген тойдык укуда.

Адил.   Райхана апа!

              Рәхмәт сезгә безнең өчен

              Бик тә нык тырышасыз.

              Математик мәсәләр чишәргә булышасыз

              Тормыштагы проблемалар.

              Катлаулы булмасыннар

             Барлык укучылар сезне яратып. Тыңласыннар.

Нияз.   Флюра апа!

            Якын дус та булып, киңәшче дә

            Кирәк чакта сузып ярдәм кулын

            Күрсәтәсез чиксез киңлектәге

           Сукмакларның туры, гадел юлын.

            Сезгә телибез без саулык, озын гомер,

            Шәхси бәхет, тормыш рәхәтең,

            Шәкертләрнең тырыш, түземлесен, яхшы гамәл Алла рәхмәтен.

А.Б. Илсинә,Алифтина, Люция укытучыларны котлап җыр җырлап китәрләр “Укытучым”

А.Б.  Укытучыларны котлавыбызны дәвам итәбез

Люция.  Нүрфия апа!

                   Безне канат асларына алып

                   Үстерәсез, белем бирәсез.

                   Еллар дәвамында безнең өчен

                   Киләчәккә юллар үрәсез.

                   Өйрәтәсез акны ак дияргә,

                   Ә караны кара дияргә.

Чулпан.   Гөлфирә апа!

                 Технология дәресен бик яратып укыйбыз,

                 Сезнең  кебек оста куллы булырга без телибез.

                 Алдагы тормышыгызда телибез зур уңышлар,

                 Ирешкән уңышларыгыз үзегезне дә зурлар.

Илнур.  Олы бәхет таптым мин эшемнән,

              Зур булмаган авыл җирендә.

              Читкә бәхет эзләп китмәгәнгә

              Үкенмим мин әле бүген дә, ди  рус теле укытучысы Гүзәл апа. 

Нуршат.  Указка тотып кулларга картадан шәһәр табарга

              Өйрәтә бит Ленара апа

              Табигатьне аңларга, җирне-суны сакларга

              Өйрәтә бит Ленара апа.

Җәвит.  Алсу апа!

               Киң күңелле кешелекле булган өчен

               Без кояшка сезне тиңлибез,

               Бәхет. Шатлык, куанычлар белән

              Тулы озын гомер телибез.

А.Б. Бар күңеллелек бөтен дөньда,

        Бар бер ямь бүген.

        Нәрсәдән бу мин беләм,

        Бәйрәм бүген, бәйрәм бүген.

Рәзилә һәм Нуршат башкаруында бию “Буги-буги”

    А.Б. Укытучым, минем күңелемдә,
           Матур хисләреңне тудырдың.
          Тормыш юлыңда да, укытучым,
          Синең кебек, кеше булырмын.

Слава, Рамил, Наташа башкаруында шигырь

   Слава.   С днём учителя сегодня

               Поздравляем от души.

               Будьте счатливы, здоровы

                И всегда так хороши!

               Спасибо за любовь и ласку.

               Заботу, нежность и тепло.

               Когда вы рядом жизнь как сказка,

               И самый хмурый день светло!

Рамил.  Дорогие Педогоги!

              Вы любовь и преданность.

              Вера и терпение.

             Вы и истина и сердце,

             Совесть и благодарство.

Наташа.  Учитель, дни жизни своей, как один,

                  Ты школьной семье посвящаешь.

                  Ты всех, кто учиться к тебе приходил,

                  Своими детьми называешь.

                  Но дети взрослеют, от школьной скамьи

                  Дорогами жизни шагают,

                  И в памяти носят уроки твои,

                  А в сердце тебя сохраняют.

                  Любимый учитель, родной человек,

                  Будь самым счастливым на свете.

                  Хоть трудно порой достаются тебе,

                  Твои не послушные дети.

                  Ты дружбой и знаниями нас наградил,

                  Прими благодарности наши!

                  Мы помним, как в люди ты нас выводил,

                  Из робких, смешных первоклашек.

А.Б.  Бәйрәмеңдә кабул итсәң иде
            Чын йөрәктән чыккан сүзләрне.
            Укытучым, син бит белем биреп
            Ачтың безнең сукыр күзләрне.
            Син лаеклы, газиз укытучым
            Рәхмәтләрнең иң җылысына.
            Син лаеклы, газиз укытучым
            Хөрмәтләрнең иң олысына.

        Ландыш башкаруында җыр “Иң гүзәл кеше икәнсез”

А.Б. Ә хәзер хөрмәтле укытучылар, тәрбиячеәр үзегезнең беренче эшкә килгән көнегезне исегезгә төшереп китегез әле. Ул көн һәр кешенеке төрлечә булгандыр. Менә бездә сезгә бер күренеш тәкъдим итәбез. Карап китегез әлә.”Яшь укытучының беренче эшкә чыккан көне”.

А.Б. Биюченең итәге,

        Бии, бии кыскара.

        Биючегә сүз әйтмәгез

        Бии, бии остара

А.Б. 6гр кызлары һәм егетләре  башкаруында күңелле татар халык  биюе.  Рамил-Камиля, Слава-Гүзәл.

А.Б. Тәрбиячеләр башкаруында җыр “Уйларымда мәктәп еллары”

А.Б. Хөрмәтле укытучыларыбыз, тәрбиячеләребез  һәм барлык хезмәткәрләр, Сезне тагын бер кат бәйрәм белән котлыйбыз, авыр, ләкин игелекле. Изге эшегездә зур уңышлар, хезмәт шатлыгы, күңел тынычлыгы, тырыш укучылар, гаилә бәхете, ныклы сәламәтлек, озын гомер телибез. Шуның белән әзерләнгән чыгышыбыз тәмам,ихтибарыгыз өчен зур рәхмәт.

nsportal.ru

План-конспект на тему: Сөмбелә бәйрәменә сценарий

Тема: Сөмбелә бәйрәме.

Максатлар: 1. Балаларны Сөмбелә бәйрәме, аның үзенчәлекләре белән таныштыру;

               2. Бәйләнешле сөйләм телен үстерү, сәнгатьле уку күнекмәләрен формалаштыру;            

              3. Татар халык бәйрәмнәренең матурлыгын күрсәтү, кызыксыну уяту.

Җиһазлау: компьютер, экран, рәсемнәр, яфраклар, милли киемнәр.

Регулятив УУГ: укытучы ярдәме белән максат кую һәм эшне планлаштырырга өйрәнү, эш тәртибен аңлап, уку эшчәнлеген оештыра белү, уку эшчәнлеге нәтиҗәләрен контрольгә ала белү.

Танып белү УУГ: уку максатын мөстәкыйль билгеләү, тиешле мәгълүматны табу, билгеләү, сөйләм берәмлекләрен логик тәртипкә салу, төшенчәгә якын килү өчен нәтиҗә ясау, фикерләрне логик чылбырга салу.

Коммуникатив УУГ: сыйныфташлар белән әңгәмә кору, гомуми әңгәмәдә катнашу, сораулар бирү, тыңлау һәм башкаларның сорауларына җавап бирү, группаларда эшне бергәләп башкару, үз фикереңне дөрес, төгәл итеп җиткерә белү.

Укытучы: Исәнмесез хөрмәтле укытучылар, укучылар, килгән кунаклар! Бүген без сезнең белән татар халкының бик күңелле, матур бәйрәме – Сөмбелә бәйрәменә җыелдык. Көзге муллык – туклык чорына туры килгәнгә күрә дә, халык “Сөмбелә” бәйрәмен аеруча көр күңел белән  үткәрә торган булган. Һәр өйдә бу көнгә яңа уңыштан төрле камыр ашлары әзерләнгән, йола ризыгы  һәм  муллык билгесе булган  бавырсак пешерелгән. “Сөмбелә” бәйрәме  өйләрдән урамнарга чыккан.Авыл халкы бер матур кызны Сөмбелә итеп киендереп һәм аны уртага алып, мәйданда уен – тамаша оештырган: биегән, җырлаган, күңел ачкан. Уенда катнашучы кызлар тәкыя үреп, Сөмбеләнең башына кидерткәннәр. Әйдәгез, без дә шушы бәйрәмне күңелле итеп үткәрик.

Ангелина: Праздник, проводившийся в дни осенней «савии» «сөмбелә» (сюмбеля), был похож на науруз-байрам. На празднике одну красивую и озорную, острую на язык девушку переодевали в Сюмбелю, выводили на площадь и там задавали ей вопросы. Например, «топор или шило?». Если она скажет «топор», то полагали, что осень будет холодная — лед можно будет разбивать только топором. Если ответ был «шило», то ожидалось, что осень будет относительно теплой — лед можно будет разбить и шилом. К её словам прислушивались даже старики и аплодировали со словами «юравың юш булсын», т. е. пусть твое гадание осуществится. Если Наурузбикя могла иметь волосы любого цвета, то Сюмбеля, как считалось, должна иметь светло-желтые волосы, потому что она символизировала осень, колосья.

1 укучы. Исәнмесез, дуслар, хәерле көн

                Хуш килгәнсез безнең бәйрәмгә.

                Бәхет – шатлык белән көннәр тусын,

                Муллык теләп һәрбер өйгә дә.

2 укучы. Бәйрәм белән сезне бүген

               Без котлыйбыз ихлас йөрәктән.

               Мул булсын һәрчак табыннар

               Өзелмәсен һич тә икмәктән.

3 укучы. Бүген бездә бик зур бәйрәм,

                Бүген бездә – Сөмбелә.

                Һәр ел безгә бәхет-шатлык,

                Мул уңыш алып килә.

4 укучы. Матур киемнәр киеп,

                Күңелле булыр диеп,

                Килдек, дуслар, бирегә

                Сөмбелә бәйрәменә.

5 укучы. Рәхим ит син, түрдән уз

               Уңыш кызы Сөмбелә.

               Уйнарбыз да, җырларбыз да,

               Күңелле булыр бездә.

Сөмбелә. Исәнмесез, балалар!

                Хәерле көн, дусларым!

                Гел сөендерсен сезне

                Минем мул уңышларым.

Алып килдем бүген сезгә

Яшелчәләр, җимешләр.

Лаек булыр бүләгемә

Бик уңганнар, җитезләр.

Укытучы. Балалар, әйдәгез, табышмак уены уйнап алабыз.

1. Кырлар  буш кала, яңгырлар ява,

    Җирләр дымлана, бу кайчак була? (көз)

2. Ура-суга, җилгәрә,

    Үзе төяп җибәрә.

    Бик күп эшләп игенне

    Баета ул илемне. (комбайн)

3. Үзем туныйм, үзем елыйм да елыйм. (суган)

4. Тәрәзәсе юк, ишеге юк,

    Эче тулы халык.(кыяр)

5. “Алма” дисәң дә алалар

     Нәрсә соң ул балалар? (алма)

6. Яз килсә − киенә,

    Көз килсә − чишенә. (агач)

Яфракларның кайсы агачныкы булуын әйтү.

“Яфрак бәйрәме” җырын башкару.

      Без сезгә татар халкының милли уеннарын тәкъдим итәбез.

Уенны башлыйбыз.

1.“Капкалы” уены.

Ефәк җепләр белән сөлге чиктем

Уртасында чәчәк, гөл генә.

Капкалыда урталарда калган

Кызыбыз да безнең бер генә.

2. “Кәләпүшле” уены.

Киңәшем шул : сынатма

Бул син син уенда өлгер.

Башындагы кәләпүшне

Күршеңә биреп өлгер.

3.”Кулъяулыклы” уены.

Чираттагы уеныбыз

Кулъяулыклы Зәлидә.

Кулъяулыкка ия булсаң,

Җиңелмәссең бәйгедә.

Шулай итеп бәйрәмебез ахырына якынлашты.

Укытучы: Һәр таң саен хәерле көн телим.

Таңнар туган саен илемә.

Аяз күкләр телим бөркетләргә

Һәм иминлек телим җиремә.

Илләребез имин булсын,

Матур булсын тормышлар.

Бу мирасны дәвам итәр

Иң уңганнар, тырышлар.

Сау булыгыз!

nsportal.ru